Едногодишна сертификациона програма за банкарска специјализација

Програмата е акредитирана од Министерството за образование и наука на Република Македонија и изработена во соработка со EBTN (European banking and financial services training association) од Брисел.
На крајот добивате:
- 32 бодови / ECVET- European Credit points for Vocational Education and Training (Европски кредит поени за стручно образование и наука или КПУ - континуирано професионално усовршување бодови) согласно Европската рамка за квалификации на годишно ниво;
- Специјалистички сертификат - Диплома за завршено неформално стручно едногодишно образование согласно European Quality Assurance for Vocational Education and Training (EQAVET) – Обезбедување Европски квалитет за стручно образование и наука.
- Можност за трансферни ЕКТС (кредити) на формални образовни установи. 
Обуката ќе обезбеди детално запознавање со најзначајните супервизорски стандарди коишто треба да ги почитуваат банките во Р.Македонија, согласно постојната законска и подзаконска регулатива. Секој супервизорски стандард ќе биде разработен од неколку аспекти: моменталните законски барања што се однесуваат на тој стандард, начинот на негово спроведување во Р.Македонија и практичните примери за постигнување усогласеност со стандардот. Посебен акцент ќе биде ставен на меѓународните барања и искуства во доменот на соодветниот супервизорски стандард, пред сè барањата на Базелскиот комитет за банкарска супервизија и на соодветната европска регулатива. Основната цел на обуката е да се обезбеди подобро разбирање на воспоставените супервизорски стандарди за банките, нивна подобра примена во праксата и повисоко ниво на усогласеност на банките со прописите во Р. Македонија. Обуката е предвидено да се спроведе во две нивоа. Во рамките на првото ниво ќе бидат опфатени супервизорските стандарди поврзани со најзначајните ризици на кои се изложени банките во Р.Македонија кредитниот и ликвидносниот ризик. Второто ниво ќе ги опфати регулаторните барања и искуства за утврдување и одржување на соодветното ниво на капитал за покривање на ризиците. Обуката ќе ја спроведат лица што се директно вклучени во спроведување на супервизорската функција и во изработка на банкарската регулатива. Учесниците ќе имаат можност за размена на мислења со стручни лица од ова област, но и за размена на мислења со останатите учесници преку работа во групи и активно учество на предавањата. По завршувањето на секое ниво ќе се спроведе тестирање во форма на решавање на практична задача поврзана со темите опфатени во соодветното ниво. Целна група: вработени во банките со работно (т.н млади банкари) или студенти што имаат интерес за подобро запознавање со банкарските супервизорски стандарди.